Вардар ги започна подоготовките во кои ќе одигра пет натпревари со силни противници

Од редовите на ФК Вардар денеска соопштија дека се започнати подготовките за новата сезона.

По неколку дена во Скопје, Вардар подготовките ќе ги продолжи во Словенија.

„Денеска во тренинг кампот на ФК Вардар, се собра и го одработи првиот тренинг првиот тим на ФК Вардар, по паузата од 20тина дена одмор.
Во деновите што следат играчите ќе направат и медицински прегледи, по што на 13.06. ке отпатуваат во Раденци, Република Словенија, на усовршување на тактиките и постигнување на потребното кондиционо ниво за игра, зададено од стручниот штаб на чело со Гоце Седлоски.
Во текот на подготовките ќе се одиграат и контролни пријателски натпревари со тимови од европските лиги, со цел за повисоки достигнувања во следната сезона“, објавија од таборот на „црвено-црните“.

Првиот тест е закажан на 17 јуни, на 21 јуни следи дуелот со Олимпија Љубљана, потоа на 24 јуни се игра против Рапид Букурешт, а подготовките ќе се заокружат со меч против Марибор на 28 јуни.