Тер Штеген заминува од Барселона – позната е неговата замена меѓу стативите

Шпанскиот фудбалски гигант Барселона реши да ја активира откупната клаузула од 25 милиони евра за голманот Жоан Гарсија, кој настапуваше за Еспањол, пренесува угледниот новинар Фабрицио Романо.

Барселона планира официјално да ја исплати целосната сума во текот на наредната недела, по што Гарсија ќе биде и формално промовиран како ново засилување на клубот. Според најавите, тој ќе потпише петгодишен договор со „блауграна“ и ќе биде прв избор меѓу стативите.

Оваа промена значително ќе ја смени динамиката во голманската линија на тимот. Иако германскиот ветеран Марк-Андре Тер Штеген неодамна изјави дека сака да ја продолжи кариерата во Каталонија, доаѓањето на Гарсија најверојатно ќе го означи неговото заминување од „Камп Ноу“.

Фото: Grok AI