Барселона договори засилување, но промоцијата е откажана поради бизарна причина

Во Барселона на крајот од сезоната ги решија обновувањата на договорите со Ханси Флик и клучните играчи на овој тим, па сега може да се фокусираат на доведување на нови засилувања. Веќе е познато кого успеа да купи Барселона, но поради годишниот одмор, претставувањето на новиот член на Каталонците е кратко одложено.

Барселона во изминатата сезона ги воодушеви сите со своите игри и успеа да освои тројка во Шпанија, па се врати на големата сцена во најдобро светло.

Раководителите на каталонскиот клуб по завршувањето на сезоната прво одлучија да ги обноват договорите со клучните членови на овој тим. Прв ја продолжи верноста кон Барселона тренерот Ханси Флик, а потоа тоа го направија Рафиња и Ламин Јамал.

Очигледно е дека Жоан Лапорта и Деко прво тоа сакаа да го решат за да остатокот од летото можат да бидат фокусирани само на трансферите и доведување нови засилувања.

Со Барселона веќе се поврзуваат неколку звучни имиња, но изгледа дека на сите им е јасно кој ќе биде првото летно засилување на каталонскиот клуб.

Шпанските медиуми објавија дека Барселона доведува нов голман од редовите на градскиот ривал Еспањол, а станува збор за Жоан Гарсија кој дал зелено светло за трансферот и се согласил на условите кои му ги понудија Каталонците.

Многу медиуми во Шпанија потврдија дека Гарсија се согласил на трансферот во Барселона, но неговиот потпис и официјално претставување се одложени поради интересна причина.

Поточно, Гарсија откако заврши сезоната во Шпанија заминал на одмор кој ќе трае уште најмалку седум дена. Исто така, во негова полза е што ни Деко не е моментално во Барселона и поради тоа неговото претставување и потпишувањето на договорот се пролонгирани.

Фото: Grok AI