Крос го најде наследникот на Модриќ – цената е 50 милиони евра

Тони Крос би можел да има пресудна улога во ангажирањето на играчот што многумина го гледаат како наследник на Лука Модриќ во Реал Мадрид. Ги претставува иста менаџерска агенција и тоа може да биде клучен фактор.

Изминаа околу 10 дена откога Модриќ се прости од Бернабеу. Тони Крос не можеше да го пропушти тој момент и се спушти на теренот на познатиот стадион.

Во меѓувреме, изгледа дека и Германецот го најде играчот кој во наредните години ќе ја води средината на Кралскиот клуб. Доаѓа од Бундеслигата и ќе чини 50 милиони.

Шпанскиот клуб го одложи доаѓањето на Алваро Карерас од Бенфика за да се фокусира на Ангел Штилер, 24-годишен играч од средниот ред на Штутгарт и репрезентацијата на Германија.

Фото: Принтскрин