Во Барселона се сеќаваат што се случи пред две години: Ако утре победат нема да ја слават титулата

Барселона е на чекор до освојување на новата, 28-та титула шампион на Шпанија во историјата. Три кола пред крајот има седум бодови предност пред Реал Мадрид и доволни ѝ се два бода за официјална потврда на титулата. Шампиони можат да станат уште вечерва ако Реал не ја победи Мајорка дома.

Сепак, поизгледно е дека титулата ќе ја обезбедат утре кога играат против Еспањол на гостински терен. Иако навивачите на Барселона се пресреќни поради доминантната сезона на својот клуб, тимот го дочека непријатно изненадување. Тренерот Ханси Флик, во консултација со остатокот од стручниот штаб, одлучи дека Барселона нема да го слави освојувањето на теренот по натпреварот со Еспањол, ако Барса тогаш ја освои титулата, туку ќе се повлече што побрзо во соблекувалните.

Причината е од безбедносна природа – пред две години Барселона исто така обезбеди титула на Корнела, стадионот на Еспањол. Тогаш навивачите на жестокиот ривал влегоа на теренот и предизвикаа нереди. Барселона се плаши од сличен сценарио и се одлучи да не прави никаква парада на стадионот на ривалот.