Интер со вчерашната голема победа и добро профитираше: Еве колку заработија „нераѕурите“

Интер со победата 4:3 во реваншот на полуфиналето на Лигата на шампионите против Барселона со вкупен резултат 7:6 го елиминираше противникот и се избори за натпреварот за трофејот. Освен тоа, пласманот во финалето му донесе 18,5 милиони евра. Така, Интер се искачи на првото место на табелата за приходи од ЛШ оваа сезона со вкупно 136,6 милиони евра.

Интер може да ја зголеми заработката ако ја освои Лигата на шампионите. Ако во финалето го победи ПСЖ или Арсенал, кои денес го играат реваншот на полуфиналето, ќе добие уште 6,5 милиони евра премија за освојувачот на ЛШ. Но, тоа не е сѐ, клубот кој ќе триумфира во Лигата на шампионите ќе добие и 4 милиони евра за учество во европскиот Суперкуп. Барселона ја завршува сезоната на четвртото место со вкупно 116,6 милиони евра премија од УЕФА за настапите и успесите во најсилното натпреварување.

Inter 🇮🇹 made +€18.5m in UEFA prize money for reaching the UCL final tonight.

Inter 🇮🇹 jumped to the 🔝 of prize money rankings with €136.6m made overall!

Barcelona 🇪🇸 end the season at #4 with €116.6m.

🔸 UCL winners 🏆 get additional +€6.5m (and +€4m for participating… pic.twitter.com/8Q2aJzCjDB

— Football Meets Data (@fmeetsdata) May 6, 2025

Клубовите кои се пласираа во полуфиналето на Лигата на шампионите (Барселона, ПСЖ, Интер, Арсенал) добиваат по 15 милиони евра премија од УЕФА. Така, оваа четворка е на врвот на табелата за приходи од Лигата на шампионите оваа сезона врз основа на премиите од Нион.