Голден Стејт не ја искористи и втората „меч топка“, Кари и друштвото можат да испишат негативна историја (Видео)

Кошаркарите на Голден Стејт Вориорс изненадувачки загубија од Хјустон со резултат 107:115 во шестиот натпревар од серијата во плејофот на НБА лигата, па така мајсторката ќе го одлучи патникот во следната рунда на натпреварувањето.

Голден Стејт доживеа вистински шок. Стеф Кари и екипата имаа водство од 3:1 во серијата, но ги испуштија двете први меч топки и така се дојде на чекор до неславна историја.

Имено, Голден Стејт во случај на пораз би станал првиот тим во историјата на НБА лигата кој двапати испуштил водство од 3:1 во серија.

Хјустон од самиот старт беше подобар тим и го контролираше случувањата на паркетот. Голден Стејт се држеше на крила на Кари до почетокот на последната четвртина во која влезе со минус од два поена.

BRINGING IT BACK HOME.

Next up: Game 7 🗣️ pic.twitter.com/bp4uLvFYY4

— Houston Rockets (@HoustonRockets) May 3, 2025

Клучната серија Рокетс ја направија средината на последната четвртина и враќање за Вориорс немаше.

Гостите до победа ги водеше Фред ВанВлит со 29 поени и по осум скока и асистенции, додека Алперен Шенгун постигна 21 поен со 14 скока и шест асистенции.

Фред ВанВлит и Алперен Шенгун го овозможија на Хјустон да победи во шестиот натпревар на гостински терен!

ВанВлит: 29 PTS, 6 3PM, 8 AST, 8 REB
Шенгун: 21 PTS, 14 REB, 6 AST, 3 STL

Хјустон сега ќе биде домаќин на Голден Стејт за седмиот натпревар во 20:30 часот/ет недела на ТНТ 🍿 pic.twitter.com/lQNxV0Ggcg

— NBA (@NBA) May 3, 2025

Кај домашниот тим, Стеф Кари постигна 29, а Џими Батлер 27 поени.

Одлучувачкиот натпревар се игра во ноќта од недела кон понеделник во Хјустон од 2:30 часот по полноќ.