Суперкомпјутерот „знае“ кои ќе влезат во финалето и ќе ја освојат Лигата на шампионите

Суперкомпјутерот на Opta ги предвиде финалистите и победникот на Лигата на шампионите за 2025 година.

Opta, британската спортска аналитичка компанија, објави прогноза за тоа кој ќе игра во финалето и кој ќе ја освои Лигата на шампионите.

По поразот на Арсенал во првиот натпревар од полуфиналето во вторникот во Лондон со резултат 0:1, фудбалерите на Пари Сен Жермен се фаворити за пласман во финалето на Лигата на шампионите.

Набрзо започнува првиот натпревар од вториот полуфинален пар – Барселона и Интер. Каталонците се фаворити, но никој не смее да ги отпише Нераѕурите.

Суперкомпјутерот предвидува дека Барселона ќе влезе во финалето, а кој ќе ја освои титулата?

Opta најголеми шанси дава на фудбалерите на Пари Сен Жермен, во проценти 38,2 отсто. Барселона има 28,7% шанси за титулата првак на Европа пред вечерашниот натпревар со Интер. Клубот од Милано има помалку шанси – 18,1%. Последен е Арсенал со 15%.

Финалето е закажано на 31 мај во Минхен.

Минатата сезона титулата ја освои Реал Мадрид, кој оваа година во четвртфиналето беше елиминиран од Арсенал.