Нема крај на болницата на Реал – Алаба ќе оди на операција

Карло Анчелоти е во голема мака на крајот од сезоната. Надвор од терените веќе е Ферлан Менди и Антонио Ридигер, но тоа не е сè. Сега отпадна и уште еден дефанзивец – Давид Алаба!.

Ридигер ќе отсутвува поради операција на коленото, а така ќе отслужи и пет од шестте натпревари казна што ја доби поради несоодветно однесување на финалето на Кралскиот куп.

Ферлан Менди се повреди во првото полувреме на куп натпреварот и ќе мора да одмора поради повреда на квадрицепсот околу 10 недели.

Алаба се повреди на натпреварот против Гетафе, не играше во Купот иако беше на клупата, а последните два дена не тренираше.

Реал во петокот вечер објави лоши вести. Алаба го повреди менискусот на левото колено и го чека операција, соодветно и пауза. Се очекува дека ќе се врати до Светското клупско првенство.

Алаба се врати на теренот во јануари по една година, и тоа по повреда на предните вкрстени лигаменти.

Фото: Real Madrid C.F/X