Новиот миленик на Наполитанците руши рекорди

Головите на Скот Мектомини за победата на Наполи од 2:0 над Торино се покажаа важни не само за тимот, туку и за него лично.

Играчот од средниот ред сега постигна 11 голови во Серија А и така стана најуспешниот Шкот во историјата на италијанското фудбалско првенство.

Претходниот рекордер беше легендарниот Денис Лоу, кој во својата единствена сезона во Торино (1961/62) постигна десет голови.

Мектомини го сруши рекордот во својот 30-ти натпревар во првенството во својата дебитантска сезона со тимот на Наполи.

Шкотот пристигна во Неапол минатото лето од Манчестер Јунајтед за 30,5 милиони евра и од тогаш доживеа препород.

Наполи моментално е лидер во Серија А и има големи шанси да ја освои титулата оваа сезона, но борбата уште не е завршена.