Модриќ и Диаз имале жестока караница во соблекувалната по поразот од Барселона (Видео)

Реал Мадрид не успеа да го освои Кралскиот куп, губејќи од Барселона (3:2) на Ла Картуха во натпреварот кој се реши во последните моменти од продолженијата. Недоразбирањето помеѓу Лука Модриќ и Брахим Диаз доведе до погодок на Кунде во 115. минута.

Модриќ „исчисти“ топка која остана на раб на казнетиот простор каде беше Брахим. Сепак, Брахим се двоумеше, што му овозможи на Кунде да постигне одлучувачки гол.

По натпреварот на теренот Ла Картуха меѓу играчите и стручниот штаб се расправаше за таа ситуација, пишува „Defensa Central“. Модриќ му рече на Брахим: „Мораш да бидеш побрз и да тргнеш кон таа топка“, на што Брахим одговори: „Кога се обидов да реагирам, веќе ме фати неподготвен“.