Кристиано: Моите голови? Влезете во Гугл, напишете Роналдо и гледајте!

Кристиано Роналдо оваа сезона не игра на своето препознатливо ниво, но воопшто не е загрижен поради својата и формата на целиот тим.

За разлика од Примера каде има постигнато само еден гол, Роналдо во Лигата на шампиони со шест гола е најдобар стрелец оваа сезона.

„Смирен сум. Во денешно време добрите перформанси не ви значат ништо вас, се што се брои се само голови, голови, голови. Нема да зборувам за тоа, одете на Гугл, напишете Кристиано Роналдо и таму ги имате сите мои голови“, изјави Португалецот.

„Првиот гол го промивме од офсајд, исто како против Џирона. Тоа не можеме да го контролираме, но имаме став и тоа е најважно. Сакаме да се промениме и ќе го направиме тоа. Мораме да признаеме дека не сме на нивото кое го посакуваме“, додаде Роналдо.