Флик го понижи до крај: Има договор со Барселона, но на лето го пуштаат да замине бесплатно

Веќе со месеци има шпекулации за тоа како ќе изгледа составот на голманите на Барселона следната сезона, а Ханси Флик конечно „пресече“ и донесе одлука.

Флик се соочи со голем проблем на почетокот на сезоната кога Марк-Андре тер Штеген доби сериозна повреда на коленото поради која не беше на терен од септември минатата година.

Тогаш Инаки Пења го зазеде местото на Тер Штеген, а Барселона го ангажираше и Војчех Шчесни кој излезе од пензија и потпиша договор до крајот на сезоната.

Пења бранеше во првиот дел од сезоната, а Шчесни дебитираше на почетокот на јануари оваа година и оттогаш бранеше речиси секоја минута.

Пред најважниот дел од сезоната се рехабилитира и Тер Штеген, кој почна да тренира со екипата, но Флик порача дека нема да брза со неговото враќање бидејќи очигледно е задоволен од тоа како Шчесни брани и според сите проценки, полскиот голман ќе го продолжи договорот за уште една година.

Планот на германскиот тренер за следната сезона е Тер Штеген да биде прв голман, а улогата на вториот голман ќе му припадне на Шчесни, кој се согласи на тоа и е задоволен што во Барселона му понудија нов договор.

Фотографија: Принтскрин