Поранешниот фудбалер на Арсенал не крие: Ако Исак дојде – ќе бидам многу среќен!

Сегашниот фудбалер на Њукасл, Александер Исак, е еден од најдобрите напаѓачи во Премиер лигата и многумина сметаат дека е време за напредок.

Поранешниот дефанзивец на Арсенал, Емануел Ебуе, токму за него зборуваше како потенцијално засилување за „топџиите“.

“Ќе бидам многу, многу среќен ако го видам Исак во Арсенал. Исак ја познава лигата многу добро, постигнува голови, и тоа секоја недела. Би бил многу среќен, добар е напаѓач. Кога го гледам како игра, мислам на Тиери Анри, бидејќи на сличен начин постигнува голови. Класа од играч. Го обожувам,” кажа Ебуе.

Потоа продолжи да го фали овој напаѓач.

“Арсенал има пари, и мислам дека треба да го купи. Исак можам да го замислам само во Арсенал. Кога игра Њукасл, ги гледам само поради Исак,” кажа Ебуе.

Фото: Newcastle/X