Мбапе неизвесен за „Ел класико“ во финалето на шпанскиот Куп

Фудбалерот на Реал, Килијан Мбапе, поради повреда на скочниот зглоб на десната нога ќе го пропушти натпреварот против Хетафе в среда.

Покрај тоа, неизвесен е за саботното финале на Кралскиот куп против Барселона.

„Го мачи повредата и не може да му помогне на тимот. Се повреди на натпреварот против Арсенал минатата среда и од тогаш е на терапии. Прави сé што може за да биде достапен в сабота“, изјави тренерот на Реал, Карло Анчелоти, на денешната прес-конференција.

Мбапе поради суспензија не играше во неделата против Атлетик Билбао.

Фото: Реал Мадрид/ФБ