Серија А објави кога ќе се одиграат денешните натпревари кои се одложија

Четири натпревари од 33. коло на италијанската Серија А кои беа на програмата денес се одложени поради смртта на папата Франческо.

Натпреварите Каљари – Фиорентина, Џенова – Лацио, Парма – Јувентус и Торино – Удинезе добија нов термин, а тоа ќе биде среда, 23 април од 18:30 часот, соопшти Серија А.

Така овие натпревари ќе се одиграат истиот ден како и реванш натпреварот на полуфиналето на Купот на Италија помеѓу Интер и Милан кој е на програмата од 21 часот.

Во моментов, голема битка за “Скудето” водат актуелниот шампион Интер и предизвикувачот Наполи кои имаат по 71 бод, пет кола пред крајот на натпреварувањето.