Арсенал остана без важен фудбалер за натпреварите против Реал Мадрид

Англискиот фудбалски гигант Арсенал ќе се соочи со Реал Мадрид во четвртфиналето од Лигата на шампионите, со првиот натпревар закажан на 8 април на „Емирати“, а реваншот на 16 април на „Сантијаго Бернабеу“.

Овој двомеч носи огромен предизвик за тимот на Микел Артета, кој доби загрижувачки вести непосредно пред големото соочување со шпанскиот гигант.

Според извештаите на британскиот „Мирор“, Арсенал ќе мора да настапи без еден од клучните играчи во одбраната, Габриел Магалаеш, кој се соочи со сериозна повреда.

Бразилскиот дефанзивец ќе ги пропушти двата натпревари против Реал Мадрид, што претставува значителен хендикеп за „топчиите“, особено во пресрет на дуелите со офанзивната сила на „кралевите“.