Далас конечно се израдува: Дејвис на три секунди пред крај ја „нокаутира“ Атланта (Видео)

Не им е лесно на Далас оваа пролет, но тимот ја одржува надежта дека ќе играат плејоф. Во мечот кој се решаваше до последниот напад, кошаркарите на Маверикс славеа против Атланта со 120:118.

Тимот не можеше да стигне до победата без Ентони Дејвис, кој блеска во улога на носител на играта. Не му требаше долго да излезе од сенката на Леброн Џејмс, а во синоќешниот дуел имаше најдобар учинок откако облече дрес на Далас. Запиша 34 поени, 15 скока и пет блокади, но најмногу ќе се памети неговиот кош за победа на три секунди до крајот на натпреварот.

Дејвис помина низ тежок пат до победата. Во првата четвртина, соиграчот Даниел Гафорт го удри со лакт во окото, кое почна да крвари. Мораше да го напушти теренот, но повторно се приклучи на тимот на крајот од полувремето. За тоа време, Хокс водеа, но продолжението на играта беше во знакот на 32-годишникот кој блесна на теренот.

Anthony Davis leaves game with an eye injury after getting elbowed in the face🙏 pic.twitter.com/WvbRPyVmSF

— WagerWire (@WagerWire) April 3, 2025