Хамилтон разочаран трката во Кина: Промените на болидот го направија уште полош

Седумкратниот шампион не можеше да го следи ритамот на водечките во Кина, а по трката призна дека промените на болидот на Ферари дополнително го влошија балансот на возилото.

Луис Хамилтон откри дека поставките на болидот кои Ферари ги избра за ГН на Кина значително ги нарушиле перформансите, што резултираше со послабо пласирање во неделната трка.

Британецот ја заврши трката на шестото место, но потоа беше дисквалификуван поради прекумерно трошење на долната плоча, што дополнително го влоши неговиот викенд во Шангај.

Особено разочарувачки беше тоа што ден претходно доминираше во спринтот, стартувајќи од пол позицијата и остварувајќи победа.

„Имавме прилично добар болид во спринтот, но потоа направивме некои промени за да се обидеме да го подобриме темпото, а на крајот само го влошивме — прво во квалификациите, а потоа уште повеќе во трката.“