Поранешен фудбалер на Милан на 31 година ќе игра во Малезија

Шпанскиот фудбалер Саму Кастиљејо започна ново поглавје во својата кариера потпишувајќи за малезискиот клуб Јохор Дарул Та’зим. Овој 30-годишен поранешен крилен напаѓач доаѓа како слободен играч откако последните шест месеци беше без клуб. Пред тоа, последниот клуб за кој настапуваше беше Валенсија.

Јохор Дарул Та’зим, познат како доминантна сила во малезискиот фудбал, продолжува да го зајакнува својот шпански контингент. Кастиљејо така стана тринаесеттиот Шпанец во клубот, придружувајќи се на имиња како Жорди Амат, Хесе Родригез и Роке Меса. Клубот се надева дека искуството од Ла Лига и Серија А ќе им помогне во походот на АФЦ Лигата на шампионите.

Во официјалната изјава на клубот беше истакнато: “Со над 300 натпревари во Ла Лига и Серија А, Саму Кастиљејо сега е Јужниот тигар! Поранешен играч на Малага, Виљареал, Милан и Валенсија.” Јохор ДТ веќе години наназад доминира во малезиската лига со 11 последователни титули и сега целат да се етаблираат како сериозна сила во азискиот фудбал. Клубот го води аргентинскиот тренер Хектор Бидољо.

Саму Кастиљејо ја започна својата професионална кариера во Малага, каде што играше од 2014 до 2015 година. Потоа премина во Виљареал, каде што настапуваше од 2015 до 2018 година. Следеше трансфер во Милан, за кој играше од 2018 до 2022 година.

По Милан, со кој беше првак во 2022 година, Кастиљејо кратко играше за Валенсија во сезоната 2022/2023. Почетокот на 2023 година накратко беше член на Сасуоло, а сега потпиша за малезискиот клуб Јохор Дарул Та’зим.