Како да е нов човек: Рашфорд се препороди откако го напушти Манчестер

Манчестер Јунајтед е клуб кој некогаш важеше за еден од најголемите во Англија, но тие денови очигледно одамна поминаа.

„Црвените ѓаволи“ се наоѓаат во криза која клубот не ја памти во последните неколку децении.

Првото нешто што можеме да го истакнеме е нивната позиција на табелата во англиската Премиер лига каде што заземаат мизерно 14. место со ист број бодови како Вест Хем.

Втората работа е инфраструктурата која е на ниво, во најдобар случај, на клуб од Чемпионшип – втората лига на англискиот фудбал.

Раководството на клубот и трансфер политиката на Манчестер Јунајтед се благо кажано дискутабилни.

Една од последните одлуки која ја донесоа е отстапувањето на Маркус Рашфорд на позајмица во ривалот од Премиер лигата – Астон Вила.

Рака на срце, Англичанецот не блескаше во првиот дел од сезоната, а имаше и проблеми со тренерот Аморим надвор од теренот.

На португалскиот тренер му пречеше недостатокот на дисциплина и неподготвеноста на овој крилен напаѓач.

Сепак, со преминувањето во Астон Вила, Рашфорд како да доби крилја и целосно се препороди. Тоа го покажуваат и некои статистички параметри.

13 – Откако дебитираше за Астон Вила на 9 февруари, Маркус Рашфорд создал повеќе шанси во сите натпреварувања отколку било кој друг играч од Премиер лигата (13). Повратно роден. pic.twitter.com/eXjyAAFJEl

— OptaJoe (@OptaJoe) 28 февруари 2025