Тренерска смена во Ливерпул, но – не е Слот!

Женскиот фудбалски клуб Ливерпул денес го раскина договорот со тренерот Мет Берд, по три и пол години минати во тој англиски тим.

За овој 47-годишен тренер, ова беше втор мандат во Ливерпул, по периодот од 2012 до 2015 година, кога освои две титули во англиската Суперлига.

Повторно се врати во Ливерпул во 2021 година и го врати клубот во Суперлигата во својата прва сезона.

По 14 одиграни натпревари во тековната сезона, Ливерпул се наоѓа на седмото место со 15 бодови.

Во последното коло, одиграно на 16-ти февруари, Ливерпул беше поразен на гостувањето кај Манчестер сити со 4:0.

Ливерпул следниот натпревар во Суперлигата го игра на 2 март на гостувањето кај Кристал Палас, а од клупата ќе ги води привремениот тренер Амбер Вајтли.