Меси продолжува да блеска како некогаш

Тимот на Интер Мајами со нерешен резултат против Њујорк Сити (2-2) на својот стадион ја започна новата сезона во МЛС лигата.

Домаќините од Мајами имаа одличен старт и поведоа во петтата минута со голот на Томас Авилес. Меѓутоа, Авилес се претвори во трагичар, бидејќи во 23-тата минута доби директен црвен картон.

Со предност од еден играч, Њујорк Сити целосно го смени правецот на натпреварот. Гостите израмнија уште пред полувремето кога во 26-тата минута погоди Митја Иленич, а во 55-тата минута Алонсо Мартинез погоди за водство од 1-2.