Maтеус лут и шокиран: Баерн го понижи Милер, Компани не смееше тоа да го направи!

Германската легенда Лотар Матеус изрази незадоволство поради начинот на кој Томас Милер беше третиран на натпреварот од Лигата на шампионите помеѓу Бајерн Минхен и Селтик.

Милер влезе во игра во 95-та минута, заменувајќи го Џамал Мусиала, и помина на теренот само 24 секунди, што Матеус го смета за понижувачко.

“Тоа е понижување. Ме растажи и жал ми е за него. Бев шокиран. Милер не треба да го минува тоа. Тој е еден од најдобрите и најуспешните играчи на Бајерн во сите времиња. За да одигра неколку секунди, тренерот можеше да внесе друг играч,” изјави еден од најголемите германски играчи во историјата за Скај.

Матеусго критикуваше тренерот на Баерн, Винсент Компани, сугерирајќи дека за толку кратко време можело да се внесе друг играч, а не легендата и рекордерот според бројот на настапи за Бајерн.

Исто така, истакна дека ако ова е показател за идната улога на Милер во тимот, можеби треба да разгледа други опции.

Договорот на Милер со Баерн истекува на крајот од сезоната, а неговата иднина во клубот засега е неизвесна, со оглед на неговото ограничено време на теренот во тековната сезона.

Lothar Matthäus on Thomas Müller being subbed on for a few seconds last night: “That was humiliating. It made me sad and I feel sorry for him. I was shocked. Thomas Müller doesn’t have to put himself through that. He’s one of the greatest and most successful players of all time.… pic.twitter.com/ZjtgRz7bzP

— Bayern & Germany (@iMiaSanMia) February 19, 2025