Анкета во Реал Мадрид: 58 отсто од навивачите сакаат да замине Винисиус

Еден од највлијателните шпански спортски весници „АС“, спроведе анкета откако во јавноста се појавија информации дека Винисиус Жуниор веќе започнал преговори за евентуален трансфер во Саудиска Арабија. Според најавите, интересот од богатите клубови од Блискиот Исток е сериозен, а финансиската понуда која кружи во медиумите е навистина огромна.

Весникот им се обрати на навивачите на Реал Мадрид, барајќи нивно мислење за потенцијалната продажба на бразилската ѕвезда. Иако Винисиус важи за еден од најдобрите фудбалери во светот и клучен играч во офанзивната линија на „кралевите“, резултатите од анкетата беа неочекувани.

Голем дел од фановите се изјаснија дека не би имале ништо против неговото заминување, доколку клубот добие значителна финансиска компензација.

Според податоците, 58% од анкетираните навивачи сметаат дека Винисиус треба да биде продаден, додека 42% се против негово заминување.