УЕФА му забрани на Баерн да игра со црвени дресови во Лигата на шампионите, позната и причината

Европската фудбалска организација УЕФА му забрани на Бајерн Минхен да ги носи црвените домашни дресови во Лигата на шампионите поради специфична причина.

Имено, според пишувањето на „Билд“, проблемот е што црните бројки на црвениот дрес не обезбедуваат доволно јасна слика за гледачите пред малите телевизори и на стадионите, со што се прекршуваат правилата за видливост.

За во иднина да можат да ги носат споменатите црвени дресови, ќе мора да ги прилагодат според правилата на европската фудбалска организација и да ги стават броевите и презимињата на играчите во бела боја.

Во досегашните натпревари во Лигата на шампионите, Баерн носеше црни или бели дресови, а во среда ги очекува натпревар од нокаут фазата против Селтик во Шкотска.

И таму нема да го носат својот црвен дрес и покрај тоа што шкотскиот великан носи зелено-бели дресови.