Серхио Рамос претставен во новиот клуб

ШПАНСКИОТ стопер Серхио Рамос потпиша договор со мексиканскиот Монтереј, потврди клубот на своите социјални мрежи.

За 38-годишниот стопер ова ќе биде четвртиот клуб во кариерата по Севиља, Реал Мадрид и Париз Сен-Жермен.

Поранешниот репрезентативец на Шпанија беше без клуб од кога минатото лето ја напушти Севиља по истекот на договорот и нема одиграно професионален натпревар од мај 2024 година.

Mеѓувреме тој работеше индивидуални тренинзи за да остане во форма. Монтереј сакаше да ја засили својата одбранбена линија за продолжување на натпреварувањето во мексиканската Клаусура, oткако претходно ја загубија услугата на Карлос Салседо, кој претрпе сериозна повреда на предните лигаменти на коленото.

Монтереј моментално е на 11-то место на табелата со шест бодови по пет кола, а клубот пет пати ја има освоено Лигата на шампионите на КОНКАКАФ. Рамос потпиша договор на една година и ќе го носи бројот 93.

Историски дефанзивец на светскиот фудбал, повеќекратен шампион со @RealMadrid и @PSG_Espanol, и светски и европски шампион со @SEFutbol.🇪🇸🏆🤯

ДОБРЕДОЈДЕ, @SergioRamos!🔥

Твоето лидерство, технички квалитети и победнички став ќе ја кренат сино-белата на високо… pic.twitter.com/gAfOdOSh1S

— Rayados (@Rayados) February 6, 2025