Асенсио го напушта ПСЖ и се сели во Премиерлигата!?

Фудбалерот на Пари Сен Жермен, Марко Асенсио, би можел да ја продолжи својата кариера во – Англија.

Бројни извори денес пренесуваат дека Асенсио е многу заинтересиран да се приклучи на Астон Вила, откако Унај Емери лично го повикал да го убеди да се пресели на „Вила парк“. 

Преговорите се уште траат, но се очекува дека Астон Вила ќе ја зголеми својата активност кога ќе се официјализира заминувањето на Џон Дуран во Ал Наср, што е во завршна фаза.

Очекувањата се дека Астон Вила ќе инкасира околу 80 милиони евра за Колумбиецот и дека ќе ги искористи за засилување. 

Се спомнуваше и Жоао Феликс, кој е незадоволен во Челси, а сега, покрај него, во плановите е и Марко Асенсио.