Официјално: Ф4-турнирот од Евролигата ќе се игра во Абу Даби

Шпекулациите кои ги имаше со недели наназад, денеска се потврдија. Завршниот турнир на Евролигата ќе се игра во Абу Даби. 

Најсилното европско натпреварување ја објави оваа информација на социјалните медиуми заедно со фотографија на домаќините и раководниците на лигата.

Претседателот на Евролигата Дејан Бодирога и извршниот директор Паулијус Мотејунас потпишаа договор со претставниците на Абу Даби, кој ќе ги пречека четирите најдобри екипи од 23 до 25 мај.

Белград беше, заедно со Абу Даби, најсериозен конкурент за завршниот турнир, но раководителите на Евролигата одлучија тоа да биде подалеку од Европа, во Обединетите Арапски Емирати.

Abu Dhabi to host the 2025 Turkish Airlines EuroLeague Final Four! 📢

May 23rd-25th 🗓️

Tickets to go on sale on February 26 🎟️ pic.twitter.com/mNErh45aIL

— Turkish Airlines EuroLeague (@EuroLeague) January 28, 2025