Хабиб Нурмагомедов, поранешен борец и еден од најдобрите шампиони во историјата на УФЦ, беше исфрлен од летот што одеше од Лас Вегас до Лос Анџелес минатата недела. Дагестанецот патувал таму за да го поддржи својот колега Ислам Махачев и роднината Умар Нурмагомедов на настанот УФЦ 311, кој следната сабота ќе се одржи во вториот по големина град во САД.
Фановите на поранешниот борец на социјалните мрежи пишуваат дека ова се случило затоа што е муслиман. Омар Сулејман, еден од најпознатите имами во САД, на својот X профил напиша: „Хабиб е исфрлен од авион? Се чини дека дури и еден од најпознатите муслимани на светот не може да избега од расно профилирање во Америка. Не е важно каков статус имате.“
Авиокомпанијата реагираше и испрати кратко соопштение до јавноста.
„Одлуката за искрцање на клиентот нема врска со неговата етничка припадност“, соопшти компанијата.
Учество во игри на среќа е дозволено за лица со 18+ години. Играј одговорно!