Познат новиот клуб на „српскиот Меси“: Продолжува во Премиер лигата?

Често се пишува за Андрија Максимовиќ, а големиот талент на српскиот фудбал летово го очекува огромен чекор во кариерата откако за време на подготовките ќе биде завршено финалното скаутирање, што според некои информации треба да биде само формалност.

Црвена Звезда во своите редови има неколку талентирани играчи кои се залог за иднината, но едно име се истакнува повеќе од сите. Тоа е Андрија Максимовиќ.

На Мал Калемегдан на 17-годишникот од Нови Пазар гледаат како на вистинска златна кокошка и од него очекуваат рекордна заработка. Се споменува сума од 20 милиони евра.

Најверојатно лично Звездан Терзиќ е вклучен во преговорите бидејќи не сака ништо да препушти на случајност како српскиот шампион не би останал без сериозна заработка.

Последните месеци се пишува за следната дестинација на младиот фудбалер на кого и Драган Стојковиќ на некој начин му ја зголеми цената со тоа што го вклучи во А-селекцијата на Србија.

Максимовиќ, кој игра на позиција офанзивен играч за врска, во изминатиот период доживеа метеорски подем и има долга листа на клубови што го посакуваат.

Сепак, еден клуб покажа најголем интерес. Тоа е славниот Ливерпул кој планира да го донесе Максимовиќ веќе во јануари.

Скаутот на Редс, Пол Голдрик, неодамна го следеше Максимовиќ на натпреварот од Лигата на шампионите против Милан и беше задоволен од тоа што го покажа момчето родено 2007 година.

Како што стојат работите, клучното и завршното скаутирање во Ливерпул ќе се обави за време на подготовките на Звезда во Анталија, кога скаутите на Редс ќе дојдат да го следат Максимовиќ во три подготвителни натпревари.

По ова се очекува и потпис според кој Максимовиќ остатокот од сезоната би го провел на позајмица во Црвена Звезда, а од следното лето неговиот нов дом би бил прочуениот “Енфилд Роуд”.

Практиката на водечките клубови е таква што кога ангажираат некој голем талент обично го оставаат на позајмица или го позајмуваат на друг клуб за дополнителен развој. Таква судбина најверојатно го очекува и Максимовиќ.