Баерн му подготви спектакуларен подарок за Нојер за Божиќ?

Според германски Кикер, Мануел Нојер (38) би можел да добие нов договор од Баерн.

Неговиот договор истекува на крајот од оваа сезона, а наводно сите детали би можеле да бидат финализирани до крајот на оваа година.

Договорот треба да биде на една година.

Нојер во редовите на баварскиот гигант дојде во 2011 година од Шалке во трансфер вреден 30 милиони евра, а досега за овој клуб има забележано 540 настапи. Тој ја задржа мрежата недопрена 256 пати.