Се сеќавате на Луис Саха? Денес има бизнис кој го направи милијардер!

Некогаш славниот француски напаѓач и фудбалер на Манчестер Јунајтед, Луис Саха, по завршувањето на својата играчка кариера создаде милијарди евра благодарение на голем деловен потфат.

Додека некои фудбалери брзо го расфрлаат целото богатство стекнато на фудбалските терени, Луис Саха паметно ги вложи своите пари и заработи цифра неспоредлива со онаа што ја имаше додека блескаше на терените ширум Европа.

Саха ја заврши својата кариера во 2013 година и веднаш започна свој сопствен бизнис наречен „xisStars“. Како што е официјално претставена компанијата, таа е „заедница која овозможува поврзување помеѓу професионални спортисти, забавувачи, нивните колеги и партнери“. Во моментов, дури 550 спортисти ги користат неговите услуги.

Тој остана во светот на спортот, а заедно со него во бизнисот се приклучија и поранешниот шеф на маркетинг во Манчестер Јунајтед Мајк Фарнан, технолошкиот директор Патрис Арнер и маркетинг експертот Кејт Хамер.

Како што објави „MSN“, бизнисот расте од 2013 година и моментално достигна неверојатни 4,2 милијарди евра. Уште поимпресивно, моменталната проценета нето вредност на Луис Саха е 5,16 милијарди евра.

Во текот на кариерата, францускиот фудбалер постигна 159 гола на 492 настапи во сите натпреварувања. Тој е двократен шампион на Англија, а со Манчестер Јунајтед ја освои и Лигата на шампионите. За француската репрезентација одигра 20 натпревари.