Карлос Бака од Севиља се пресели во Милан како големо засилување за „росонерите“, но во двете години на „Сан Сиро“ не ги оправда очекувањата и ова лето се врати во Шпанија.
Иако беше најдобар стрелец на тимот сепак раководството и тренерот не беа задоволни од Колумбиецот, па ова лето го испратија на позајмица со право на откуп во Виљареал.
Учиме по најтешкиот пат: Со едукација за заштита и спасување до спречување на трагедии! ↓↓↓
Бака вели дека немал поддршка од раководството, тренерот, но и од тимот за кој вели дека бил најлош во историјата на Милан.
„Годините поминати во Милан беа задоволувачки за мене на персонален план. Можев да допринесам и повеќе, но потребна беше поддршка од раководството и тренерот. Играв за најлошиот Милан во историјата“, тврди Бака.
„Берлускони одлучи да го продаде клубот, а јас имав различни идеи со тренерот и новото раководство. Заминав со крената глава од Сан Сири бидејќи Милан игра во Европа, а тоа беше мојата мисија кога дојдов од Севиља, да помогнам тимот да се врати во Европа“, додаде Колумбиецот.
Учество во игри на среќа е дозволено за лица со 18+ години. Играј одговорно!