Само Манчестер Сити бил подобар од Јунајтед – Тен Хаг објасни зошто мисли така

Maнчестер Јунајтед денеска ќе игра дерби против Ливерпул во рамките од третото коло, а пред овој натпревар тренерот Ерик Тен Хаг истакна дека не е премногу загрижен за неговиот тим

Тен Хаг верува во квалитетот на овој тим на Јунајтед и истакна дека според него само Манчестер Сити бил подобар од Јунајтед во изминатите години.

„Ако не го сметаме Манчестер Сити, освоивме најмногу трофеи во изминатите две години. Тоа значи дека сме биле подобри од другите. Таква е реалноста, фактите тоа го покажуваат. Оваа година сакаме трофеи и многу сум сигурен дека ќе ги добиеме“, изјави Тен Хаг.

Дербито во Премиер лигата помеѓу Јунајтед и Ливерпул се игра во терминот од 17:00 часот.