Рома ја „краде“ големата желба на Милан

Рома се вклучи во трката за потписот на ѕвездата на Борусија Мехенгладбах, Ману Коне, пренесуваат италијанските медиуми.

Младиот Французин игра фантастично во Бундеслигата и веќе го доби епитетот „новиот Канте“, а е голема желба на Милан.

„Росонерите“ веќе имаат договор со играчот и се пред договор со Мехенгладбах, но не можат да го комплетираат трансферот пред да ослободат место во тимот.

Таката ситуација ќе се обиде да ја искористи Рома, која е спремна да понуди 20 милиони евра и да го доведе Коне на „Олимпико“.