Трансферот на Лукаку пред реализација: Белгиецот се враќа во Серија А

Белгискиот напаѓач Ромелу Лукаку наскоро би можел да го комплетира својот трансфер во кој ќе се врати во Серија А.

Најавите на медиумите се дека Наполи и Челзи се блиску до договор за 31-годишниот голгетер кој така би се вратил во италијанскиот фудбал каде што го носеше дресот на Интер и Рома.

Главен „виновник“ за овој трансфер би бил тренерот Антонио Конте кој силно посакува да го види во своите редови.

Трансферот на Лукаку ја отвора можноста и за преселба на Нигериецот Виктор Осимен во Неапол. Наполи за неговите услуги бара сума од 130 милиони евра.