Гвардиола ги загрижи навивачите: Немам мотив за нова титула

Манчестер Сити денес ја започнува одбраната на титулата во Премиер лигата со тешко гостување на „Стенфорд Бриџ“ против Челзи.

Сити и во новата сезона влегува како главен фаворит за титулата, но Гвардиола ги загрижи фановите со изјавата пред мечот.

„Мотивација за освојување на уште еден трофеј во Премиер лигата: Во овој момент ја нема, едноставно не е тука. Мотивот за тој трофеј во овој момент кај мене не постои. Сепак, тоа не значи дека нема да се појави. Веројатно ќе дојде во финишот од сезоната“, изјави Пеп.

Сити под негово водство освои шест шампионски трофеи во Премиер лигата и во моментов е четирикратен последователен првак на Англија.