Олмо во Барселона ќе го носи бројот на човекот кој го доведе

Дани Олмо во текот на вчерашниот ден го комплетираше трансферот во редовите на Барселона каде што се враќа по цели 10 години кога си замина како 16-годишник.

Барселона на Лајпциг ќе плати 55 милиони евра, а 20% од оваа сума ќе добие и Динамо Загреб кој договори таква клазула при продажбата на шпанскиот репрезентативец во бундеслигашот. Лајпциг и Барселона договорија и одредени бонуси во износ од седум милиони евра.

Сега е познато и дека Олмо ќе настапува со дресот број 20 кој некогаш го носеше сегашниот спортски директор на Барселона, Деко.