Медиумите по потписот го потсетија Ракитиќ на изјава до 2006 година

Хрватскиот ветеран Иван Ракитиќ и официјално беше претставен како нов фудбалер на Хајдук од Сплит.

Голема беше желбата на Ракитиќ да се врати во татковината и да го облече дресот на Хајдук, но медиумите потсетија на негова изјава од 2006 година.

Во изјавата Ракитиќ зборува дека е голем навивач на Динамо и дека сонува да заигра за „модрите“.

„Секако дека би сакал да заиграм за Динамо. Од детството сонувам за такво нешто, сите во моето семејство навиваат за Динамо. Минатото лето ми беше чест да играм против нив“, изјави Ракитиќ.

Но, за да го облече дресот на Хајдук, Ракитиќ се откажа од вистинско богатство. Во Ал Шабаб имаше договор со кој заработуваше 15 милиони евра по сезона, додека во Сплит ќе заработува 600.000 евра.