Облак бранеше се, Коста правеше „чуда“, Португалија во четвртфинале🎥

Португалија се пласира во четвртфиналето во Европското првенство после вистинска пенал драма, откако после 120 минути игра немаше голови.

Овој меч дефинитивно го одбележаа голманите, Јан Облак на една страна и Диого Коста на друга страна. Во регуларниот дел Португалија доминираше, но не успеа да постигне гол.

Во продолжението Роналдо не успеа да го совлада Облак од белата точка, а потоа во 115 минута Шешко имаше колосална шанса, но Коста феноменално одбрани.

Португалскиот голман беше апсолутен херој во пенал серијата бидејќи ги одбрани сите три удари на Словенците, а Португалците беа сигурни реализатори за 3:0.