Голманот на Србија: Јас сум подобро подготвен од Тадиќ!

Репрезентацијата на Србија во овој период е во центарот на вниманието поради случувањата по натпреварот против Англија.

Капитенот Душан Тадиќ создаде тензија изразувајќи незадоволство затоа што Пикси го остави на клупата против Англичаните. Селекторот му возврати дека неговата изјава не е во ред.

Сега на оваа тема се огласи голманот Предраг Рајковиќ.

„Јас сум подобро подготвен од Душан Тадиќ“, прокоментира Рајковиќ низ насмевка, па се обиде да ја смири тензијата.

„Атмосферата е супер. Можеби во неделата главите беа жешки па се кажа тоа што се кажа. Сепак тоа е минато, целиот фокус е на Словениј. Но, слободно можете да напишете дека физички сум подобро подготвен од Тадиќ!“, изјави голманот.

По поразот од Англија, Србија ја очекуваат натпревари против Словенија и Данска во кои ќе се обиде да дојде до место во осминафиналето.