Рикелме: Тони Крос е нешто најблиску до Роџер Федерер што сум го видел

Германскиот фудбалер Тони Крос ненадејно реши да ја заврши кариерата на 35 години. Одличниот германски играч за врска на Реал Мадрид ќе го игра претстојното Европско првенство, а потоа ќе ја заврши професионалната кариера.

Заминувањето на Крос е важна тема во светските спортски медиуми, а за тоа се огласи и поранешниот аргентински репрезентативец Хуан Роман Рикелме. „Тони Крос е нешто најблиску до Роџер Федерер што сум го видел. Може да игра натпревар, а потоа не треба ни да се тушира“, изјави легендарниот фудбалер за аргентински ТНТ Спорт.

Крос ја започна својата кариера во Ханза Росток, а потоа отиде во младинскиот систем на Баерн во 2006 година. Во сезоната 2009/2010. играше како позајмен во Баер Леверкузен, каде што експлодираше. Потоа одигра неколку одлични сезони за Баерн, а пред десет години се пресели во Реал Мадрид. За Реал одигра 463 натпревари.