![](https://sportski.mk/wp-content/uploads/2023/09/real-850x491.jpg)
Реал не запира на трансфер пазарот. Откако во последните години донесе голем број одлични млади играчи – Чуамени, Камавинга и Белингем, ги договори Мбапе и Ендрик за претстојното лето, сега подготвува бомба за летото следната година.
Тоа е Флоријан Вирц (21), најатрактивниот играч во Бундеслигата веќе некое време. Трансфермаркт го цени офанзивниот играч за врска на Баер Леверкузен на 110 милиони евра.
Лига Нации: Се освен прво место ќе биде катастрофа за Македонија! ↓↓↓
Вирц го води Баер во сензационална сезона, во која ја освои титулата во Германија и го чека финалето на купот и Лигата на Европа.
Хозе Феликс Дијаз, инсајдерот на Марка во Реал, пишува: „Реал е се поблиску до потписот на Флоријан Вирц и има доволно време да ја заврши работата што ја започна. Ќе се обидат да го доведат на ист начин како што ги доведоа Чуамени, Камавинга и Белингем. “
Лука Модриќ го носи бројот 10 во Реал. Беше најавено дека ќе си замине и дека тој број ќе му го земе Килијан Мбапе. Сепак, последните вести од Шпанија велат дека Модриќ е блиску до останување уште една сезона, па неговиот престижен број во летото 2025 година би можел да го наследи германскиот феномен, кој исто така ја носи десетката во Леверкузен.