Челзи руши рекорд за 17-годишник. Ќе биде најскапиот играч во историјата на континентот

Челзи во последните години троши огромни суми на трансфери, а последниот потег покажува дека нема намера да застане тука.

Фабрицио Романо пишува дека лондонскиот клуб испратил понуда вредна 65 милиони евра за Естевао Вилијан, 17-годишниот крилен напаѓач на бразилски Палмеирас.

Палмеирас претходно ја одби понудата на Челзи од 57 милиони евра (32 фиксни + 25 бонуси), а доколку ја прифатат младиот Бразилец би станал најголемиот трансфер на играч од јужноамерикански клуб.

Актуелен рекордер е Ендрик, соиграчот на Вилијан од Палмеирас, чиј трансфер во Реал ќе се случи летово, а неговата вредност со бонуси е 60 милиони евра.