Се уште не е познато каде ќе игра Лука Модриќ следната сезона, но неговиот сонародник Иван Ракитиќ сега на шега му се „закани“.
Ракитиќ од Севиља зимава се пресели во Саудиска Арабија каде настапува за Ал Шабаб. Модриќ има договор со Реал Мадрид до крајот на сезоната, и засега не се знае каде ќе игра следната сезона.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
„Ако дојде во Саудиска Арабија и не потпише за Ал Шабаб, ќе има проблеми со мене“, изјави Ракитиќ за „Arab News “ и продолжи:
„Би било одлично ако ја избере Саудиска Арабија. Ќе се обидам да го убедам да дојде во Ал Шабаб, ако сака ќе му ги дадам сите потребни информации“, додаде Ракитиќ.
Сепак, засега не е исклучена можноста Модриќ и да остане во Мадрид.