Кошаркарите на Мајами Хит се пласираа во плеј-офот на НБА, откако во плеј-инот го совладаа Чикаго Булс со резултат 112:91.
Одличната шутерска форма на Хит на овој натпревар, како и енергијата и добрата одбрана, беа одлучувачки за тимот на Ерик Споелстра да ги исфрли Булс и тоа многу убедливо. Погодија 14 тројки од 33 обиди (42,4 отсто), Тајлер Хир беше расположен и постигна 24 поени, а имаше и 10 скока и девет асистенции. Кај биковите се истакна Демар Дерозан со 22 поени.
Пред дербито, падна најважниот потпис во Манчестер Сити! ↓↓↓
Во плеј-оф серијата, Хит ќе играат против Бостон Селтикс во реприза од минатогодишното финале на Источната конференција.
Во вториот натпревар од плеј-инот, од западната страна, Њу Орлеанс Пеликанс го елиминираа Сакраменто Кингс (105:98) благодарение на одличната тимска игра и распределбата на поените. Затоа, 35-те поени на Дирон Фокс не беа доволни за кралевите. Пеликанс имаше дури шестмина кошаркари со двоцфирен број на поени. Најмногу се истакна Брендон Инграм со 26 поени, додека Јонас Валанчиунас постигна 19 со 12 скока.
СИТЕ ПАРОВИ ВО ПЛЕЈ-ОФОТ:
Учество во игри на среќа е дозволено за лица со 18+ години. Играј одговорно!