Белингем: Модриќ и Крос играат сосема поинаква игра

Џуд Белингем, најдобриот играч на Реал оваа сезона, ги пофали Лука Модриќ и Тони Крос.

Белингем, кој минатото лето пристигна во Реал од Борусија Дортмунд за 103 милиони евра, изјави дека досега најмногу научил од Модриќ и Крос.

„Научив најмногу од нив. Технички гледано, тие не грешат и неверојатно добро ги прават основните работи. Најдобриот дел од играњето со нив е тоа што тие се секогаш отворени да те научат нешто. И јас сум секогаш подготвен да учам. Често разговарам со нив и имаме добри односи“, изјави Белингам.

„Модриќ и Крос играат сосема поинаква игра. На теренот ги гледаат работите пред да се случат и секогаш се толку смирени“, додаде 20-годишниот Англичанец, кој постигна 20 гола и запиша 10 асистенции оваа сезона.