Анри го кажа својот фаворит за освојување на Лигата на шампионите, Карагер и Ричардс не се согласија

Славниот француски напаѓач Тиери беше гостин во „Си-Би-ес спорт“ каде што заедно со Џејми Карагер и Мика Ричардс ги коментираа натпреварите од Лигата на шампионите.

Французинот во таа ситуација беше запрашан кој ќе ја освои Лигата на шампионите, а одговори без многу размислувања.

„Веднаш ќе ви го кажам победникот – Арсенал. Поздрав и догледање“, кратко одговори Анри.

Од друга страна Ричардс прогнозираше дека сезонава ќе гледаме финале помеѓу Атлетико Мадрид и Манчестер Сити, додека Карагер „типува“ на одбрана на тронот на Манчестер Сити против ПСЖ во финалето.