Фудбалскиот клуб Атлетико Мадрид официјално соопшти дека напаѓачот Мемфис Депај нема да игра во првиот натпревар од четвртфиналето на Лигата на шампионите, домашниот натпревар против Борусија (Д).
30-годишниот холандски напаѓач се повреди на тренинг, што секако ќе биде хендикеп за тимот предводен од Аргентинецот Диего Симеоне.
До кога ќе дишеме отровен воздух!? | Уште еден поткаст
Впрочем, Депај беше еден од хероите на Атлетико во осминафиналето од Лигата на шампионите оваа сезона.
Холанѓанецот постигна гол во 87. минута против Интер кој ги однесе во продолженија, а потоа тимот од Мадрид на пенали го исфрлија финалистот од минатата сезона.
Атлетико не соопшти колку долго ќе отсуствува Депај поради повреда на мускулот, но неколку шпански медиуми пренесуваат дека паузата би можела да трае три до четири недели, што би значело дека Атлетико ќе биде без Холанѓанецот дури и на реваншот во Дортмунд.
Првиот натпревар меѓу Атлетико и Борусија (Д) ќе се одигра во Мадрид оваа среда, додека реваншот е закажан за 16 април.
Учество во игри на среќа е дозволено за лица со 18+ години. Играј одговорно!